آنکھ کے میک اپ کی تجاویز & ٹیکنیکس

آنکھیں چہرے کا ایک خوبصورت حصہ ہوتی ہیں. جب آپ باہر یا کسی پارٹی پر جاتی ہیں تو آپ اپنے چہرے پر میک اپ کر کے جاتی ہیں. لیکن آنکھوں پر کیا گیا میک اپ زیادہ پرکشش ہوتا ہے. خواتین اپنی آنکھوں کو خوبصورت بنانے کے لیے مختلف رنگوں اور اچھے برانڈز کے آنکھوں کے شیڈز استعمال کرتی ہیں. یہاں پر بھی میں چند آنکھوں کے میک اپ کی تجاویز & ٹیکنیکس بتا رہی ہوں جن پر عمل کر کے آپ اپنی آنکھوں پر خوبصورت میک اپ کر سکتی ہیں.

موئسچرایزر کی تھوڑی سی مقدار لیں اور اسے آنکھوں کے اوپر کے حصے پر لگائیں. اچھے برانڈ کی بیس جو آپ چہرے پر استعمال کرتی ہیں اسے آنکھوں پر لگائیں. آنکھوں پر شیڈز لگانے سے پہلے آنکھوں کی نچلی جانب ایک چھوٹا ٹیپ کا ٹکڑا رکھ لیں. ایسا کرنے سے آنکھوں پر لگائے جانے والے شیڈز چہرے پر نہیں گریں گے. اب اپنے لباس کے رنگ کے مطابق اپنی آنکھوں پر شیڈ لگائیں. اب اپنی پلکوں پر مسکارا کی پہلی کوٹ لگائیں اب پلکوں پر چھوٹے برش کی مدد سے ٹیلکم پاوڈر لگائیں. اب پھر مسکارا کی دوسری کوٹ اپنی پلکوں پر لگائیں. یہ عمل آپکی پلکوں کو لمبا اور گھنا کرے گا. مسکارا لگانے سے پہلے آنکھ کے اوپر کی جانب کوئی چمچ اور سخت کارڈ بورڈ رکھ لیں تاکہ مسکارا آنکھ کے اوپر کی جانب نہ لگے.

اپنی بھنوؤں کی نیچے کی جانب اور آنکھ کے تھوڑا اورپر سفید پینسل یا سفید شیڈ لگائیں اس کے آنکھیں مزید نمایاں نظر آئیں گی. آنکھوں میں کاجل یا پینسل لگائیں. اسکے علاوہ آپ مختلف رنگوں کے لینز بھی لگا سکتی ہیں. یہ بات ذہن میں رکھیں کہ آنکھوں کے لئے ہمیشہ برانڈڈ میک اپ اور معیاری لینز کا استعمال کریں.