مسوڑھوں کی سوجن کی وجوہات اور احتیاطی تدابیر

یہ آجکل ہر کسی کا عام مسئلہ ہے. مسوڑھے خون کی وریدوں سے ملکر بنے ہوتے ہیں. یہ بہت حساس ہوتے ہیں ضرورت سے زیادہ سیگریٹ پینے سے اور تمباکو کی مصنوعات کے استعمال سے انکو نقصان پہنچتا ہے. یہاں میں آپکو مزید مسوڑھوں کی سوجن اور ان کی احتیاطی تدابیر کے بارے میں بتا رہی ہوں. زیادہ تر لوگوں کی عادت ہے کہ وہ بستر پر جانے سے پہلے اپنے دانت برش نہیں کرتے . ان کے دانتوں میں رات بھر خوراک جمع رہنے سے کیویٹی پیدا ہو جاتی ہے جو مسوڑھوں کی سوجن کی وجہ بنتی ہے. دانتوں میں نامناسب طریقے سے برش کا استعمال بھی سوجن کی وجہ بنتی ہے. لوگ سوجن کے علاج کے لئے مختلف ادویات کا استعمال کرتے ہیں.

آپ مندرجہ ذیل گھریلو ٹوٹکوں کا استعمال کرتے ہوئے سوجن کا علاج کر سکتے ہیں:

• نمک کا پانی: نیم گرم پانی کا ایک گلاس لیں اور اس میں ایک چائے کا چمچ نمک شامل کرلیں اور اچھی طرح مکس کر لیں. اس پانی سے دن میں دو مرتبہ کلی کریں.
• پسی ہوئی ہلدی: ¼ چمچ ہلدی پاؤڈر لیں اور اس میں تھوڑا سا پانی شامل کر کے پیسٹ بنا لیں. اب انگلی یا برش کی مدد سے اس پیسٹ کو متاثرہ حصے پر لگا لیں اور اسے 5 منٹ تک یہ عمل جاری رکھیں. پھر نیم گرم پانی کی مدد سے کلی کر لیں .
• ایلوویرا: ایلوویرا کی جیل لیں اور سوجن والے مسوڑھوں پر اسکو لگا لیں. آہستہ سے 2 منٹ کے لئے مساج کریں اور پھر نیم گرم پانی سے کلی کر لیں.

اگر آپکو ایسا محسوس ہو کہ آپکی یہ سوجن گھریلو ٹوٹکے کرنے سے ٹھیک نہیں ہو رہی تو فورا کسی اچھے ڈاکٹر کو دکھائیں.

روزے کے صحت کے لئے فوائد

بہت سی تحقیقات سے یہ بات سامنے آئی ہے کہ روزہ کے صحت کے حوالے سے بےشمار فوائد ہیں. جب ہم کافی دیر کے لئے کچھ نہیں کھاتے تو ہمارے جسم میں بہت سی تبدیلیاں رونما ہوتی ہیں, ہمارا جسم جمع شدہ گلوکوز کو استعمال کرتا ہے جو جسم میں موجود اضافی چربی کو جلانا شروع کرتی ہے , اور نتیجے میں وزن کم ہونے لگتا ہے. یہا بہت سے روزے کی صحت کے لئے فوائد ہیں, جن میں وزن کی کمی سمیت, ذیابیطس سے نجات بھی شامل ہیں.

روزے کی حالت میں آپ کافی دیر کے لئےکھانا چھوڑ دیتے ہیں, تب جسم میں موجود یا جمع شدہ طاقت آپکو کام کرنے میں مدد کرتی ہے, اس عمل سے عام روٹین کے مقابلے میں زیادہ چربی ختم ہوتی ہے. روزہ آپکے میٹابولزم کو بھی تیز کرتا ہے, اگر آپکا مدافعتی نظام بہتر نہیں ہے تو روزہ رکھنے سے آپکے نظام انہضام کو کچھ دیر کے لئے آرام ملتا ہے. روزہ صحت مند میٹابولک عمل کو بھی فروغ دیتا ہے. جو لوگ کیل مہاسوں سے پریشان ہوتے ہیں انکو بھی چاہیے کہ وہ روزہ رکھیں, کیونکہ سارا دن خالی پیٹ رہنے سے جسم میں موجود ٹاکسن پیشاب کے ذریعے سے خارج ہوجاتے ہیں اور جسم کے دوسرے حصوں کے نظام کو بہتر بناتے ہیں جیسے کہ جگر, دل اور گردے.

صحت کے لئے صبح کی سیر کے فوائد

صبح کی سیر ہر کسی شخص کے لئے بہت ضروری ہے. سلم اور سمارٹ جسم کے ساتھ زندگی بسر کرنے کے لئے ہر شخص کو کھانے میں اضافی خیال کی ضرورت ہے اور اسکے علاوہ روزانہ ورزش بھی لازمی کرنی چاہیے. کچھ لوگ صبح کی سیر کے لئے جاتے ہیں جبکہ کچھ لوگ سارا دن کے کام کے بعد اپنے دماغ کے سکون کے لئے شام کو چہل قدمی کے لئے جاتے ہیں. دونوں وقت چلنے کے فوائد ہیں. لیکن صحت کے لئے صبح کی سیر کے فوائد زیادہ مؤثر ہے. جب آپ اپنے دن کا آغاز صبح کی سیر سے کرتے ہیں تو یہ آپکے دل کی صحت کو فروغ دیتا ہے, یہ آپکو دل کے دورے سے بچاتی ہے.

یہ آپکے بلڈ پریشر, شوگر لیول اور کولیسٹرول کی سطح کو کنٹرول میں رکھتی ہے. صبح کی سیر کا سب سے بڑا فائدہ یہ ہے کہ یہ آپکا وزن کم کرنے کے علاوہ آپکے جسم کی شیپ کو بھی خوبصورت بناتی ہے.

صبح کی تازہ ہوا آپکے مزاج کو بہتر راحت بخشتی ہے. صبح کے وقت زیادہ سے زیادہ سبزہ دیکھیں, کیونکہ تحقیق سے یہ بات سامنے آئی ہے کہ صبح کے وقت سرسبز پودے اور درخت دیکھنے سے آنکھوں کی صحت کو فروغ ملتا ہے اور یہ عمل آپکے دماغ کو بھی پرسکون رکھتا ہے. روزانہ صبح کے وقت آدھے گھنٹے کی سیر آپکو جوڑوں اور گھٹنوں کی درد سے بھی بچاتی ہے.

تمباکو نوشی چھوڑنے کے لئے تجاویز

ایسے لوگ جو اس کے عادی ہوتے ہیں ان کے لئے تمباکو نوشی چھوڑنا بہت مشکل ہوتا ہے. جیسا کہ ہم جانتے ہیں تمباکو نوشی صحت کے لئے اچھی نہیں ہوتی یہ نقصان دہ ہے. یہ کینسر کا سبب بنتی ہے. مندرجہ ذیل تجاویز پر عمل کر کے تمباکو نوشی سے چھٹکارا حاصل کر سکتے ہیں.

1. ہمیشہ مثبت سوچیں. اپنے اردگرد ہونے والی باتوں اور کاموں کو مثبت انداز میں سمجھنے کی کوشش کریں.
2. ایسا سوچیں کہ آپ ڈائٹنگ کر رہے ہیں. یہ عمل آپکو تمباکو نوشی کرنے سے روک سکتے ہیں.
3. تمباکو نوشی کے نقصانات کی ایک فہرست بنائیں. جب بھی آپکو سیگریٹ پینے کی طلب ہو, تمباکو نوشی کے نقصانات کی بنائی ہوئی فہرست کو پڑھ لیں.
4. جب بھی سیگریٹ پینے کی طلب ہو تو کوئی گم چبا لیں.
5. آپ اپنے کھانے کے معمول کو بھی تبدیل کریں. اور کھانا کھانے کے بعد کوشش کر کے گھر کے اس حصے میں بیٹھیں جہاں آپ سیگریٹ نہیں پی سکتے. یہ عمل آپکو تمباکو نوشی چھوڑنے میں لازمی مدد کرے گا.