صحت کے لئے صبح کی سیر کے فوائد

صبح کی سیر ہر کسی شخص کے لئے بہت ضروری ہے. سلم اور سمارٹ جسم کے ساتھ زندگی بسر کرنے کے لئے ہر شخص کو کھانے میں اضافی خیال کی ضرورت ہے اور اسکے علاوہ روزانہ ورزش بھی لازمی کرنی چاہیے. کچھ لوگ صبح کی سیر کے لئے جاتے ہیں جبکہ کچھ لوگ سارا دن کے کام کے بعد اپنے دماغ کے سکون کے لئے شام کو چہل قدمی کے لئے جاتے ہیں. دونوں وقت چلنے کے فوائد ہیں. لیکن صحت کے لئے صبح کی سیر کے فوائد زیادہ مؤثر ہے. جب آپ اپنے دن کا آغاز صبح کی سیر سے کرتے ہیں تو یہ آپکے دل کی صحت کو فروغ دیتا ہے, یہ آپکو دل کے دورے سے بچاتی ہے.

یہ آپکے بلڈ پریشر, شوگر لیول اور کولیسٹرول کی سطح کو کنٹرول میں رکھتی ہے. صبح کی سیر کا سب سے بڑا فائدہ یہ ہے کہ یہ آپکا وزن کم کرنے کے علاوہ آپکے جسم کی شیپ کو بھی خوبصورت بناتی ہے.

صبح کی تازہ ہوا آپکے مزاج کو بہتر راحت بخشتی ہے. صبح کے وقت زیادہ سے زیادہ سبزہ دیکھیں, کیونکہ تحقیق سے یہ بات سامنے آئی ہے کہ صبح کے وقت سرسبز پودے اور درخت دیکھنے سے آنکھوں کی صحت کو فروغ ملتا ہے اور یہ عمل آپکے دماغ کو بھی پرسکون رکھتا ہے. روزانہ صبح کے وقت آدھے گھنٹے کی سیر آپکو جوڑوں اور گھٹنوں کی درد سے بھی بچاتی ہے.

تمباکو نوشی چھوڑنے کے لئے تجاویز

ایسے لوگ جو اس کے عادی ہوتے ہیں ان کے لئے تمباکو نوشی چھوڑنا بہت مشکل ہوتا ہے. جیسا کہ ہم جانتے ہیں تمباکو نوشی صحت کے لئے اچھی نہیں ہوتی یہ نقصان دہ ہے. یہ کینسر کا سبب بنتی ہے. مندرجہ ذیل تجاویز پر عمل کر کے تمباکو نوشی سے چھٹکارا حاصل کر سکتے ہیں.

1. ہمیشہ مثبت سوچیں. اپنے اردگرد ہونے والی باتوں اور کاموں کو مثبت انداز میں سمجھنے کی کوشش کریں.
2. ایسا سوچیں کہ آپ ڈائٹنگ کر رہے ہیں. یہ عمل آپکو تمباکو نوشی کرنے سے روک سکتے ہیں.
3. تمباکو نوشی کے نقصانات کی ایک فہرست بنائیں. جب بھی آپکو سیگریٹ پینے کی طلب ہو, تمباکو نوشی کے نقصانات کی بنائی ہوئی فہرست کو پڑھ لیں.
4. جب بھی سیگریٹ پینے کی طلب ہو تو کوئی گم چبا لیں.
5. آپ اپنے کھانے کے معمول کو بھی تبدیل کریں. اور کھانا کھانے کے بعد کوشش کر کے گھر کے اس حصے میں بیٹھیں جہاں آپ سیگریٹ نہیں پی سکتے. یہ عمل آپکو تمباکو نوشی چھوڑنے میں لازمی مدد کرے گا.

قدرتی طور پر پریشانی کو کیسے کم کیا جائے

یہ بہت عام ہے اور دن بدن بڑھ رہی ہے. اس کے ہونے کے پیچھے بہت سی وجوہات ہیں. ہر کسی کو رورمرہ کی زندگی میں بہت سے مسائل اور پریشانیوں کا سامنا ہوتا ہے. یہ پریشانیاں اور مسائل بہت سی بیماریوں کی وجہ بنتے ہیں جیسا کہ ڈپریشن, سر کی درد وغیرہ. تو یہاں کچھ تجاویز ہیں جو قدرتی طور پر پریشانیوں کو کم کریں گی. سب سے پہلے آپکو تمام پریشانیوں سے باہر نکلنے کی ضرورت ہے. کسی بھی چیز کو لے کر بہت زیادہ مت سوچیں.

روزانہ دوستوں کے ساتھ سیر کرنے جائیں. اپنے خیالات اور پریشانیوں کا اظہار اپنے دوستوں سے کریں. آپکو ہفتے میں ایک مرتبہ اپنے دوستوں اور گھر والوں کے ساتھ لازمی باہر گھومنے جانا چاہیے. منشیات کے استعمال سے پرہیز کریں, کچھ لوگوں کو ویسے تو زندگی میں زیادہ پریشانیوں کا سامنا نہیں ہوتا لیکن وہ منشیات کے بہت عادی ہوتے ہیں، جیسا کے شراب اور سیگریٹ کا استعمال کرنے ہیں. ان سب چیزوں سے گریز کریں. زیادو سے زیادہ وقت اپنے پیاروں کے ساتھ گزاریں. زیادہ لوگوں کے درمیان بیٹھیں, دوستوں کے ساتھ زیادو بات چیت آپکا دھیان بدل دیتی ہے اور آپ خوش اور پرسکون محسوس کرنے لگتے ہیں.